В 1999 году по рекомендации ЮНЕСКО был организован День школьных библиотек. Цель проекта- привлечение общественности к сохранению и формированию литературных запасов библиотечных фондов школ. Спустя 6 лет Питер Дженко, глава международной ассоциации школьных библиотек утвердил праздник.

Биһиги, Далан аатынан Кытаанах орто оскуолатыгар 1928-29 сылларга оскуола библиотеката үлэтин саҕалаабыта. 

1939-40 үөрэх дьылыгар Соловьев Н.С. директордыыр кэмигэр элбэх кинигэлээх оҕолорго аналлаах баай библиотека тэриллибитэ.

1950-51 үө.дь. бастыҥ ааҕааччыларынан бэлиэтэммиттэрэ Петров Сеня, 57 кинигэ 6845 страницаны ааҕан бастакы миэстэни ылбыта. Лонгинов Петя 36 кинигэни 5000 страницаны ааҕан иккис миэстэни ылбыта, Ермолаев Коля 30 кинигэни 4900 страницаны ааҕан үһүс миэстэ буолбута. 1954-55 сылларга библиотекарь Владимирова А.Е. тэрийиитинэн "Весенняя пора" ааҕааччылар конференциялара ыытыллыбыта. Конференция түмүгүнэн 1450 устуука кинигэ ааҕыллыбыта. Ермолаева Сусанна 5000 стр ааҕан "Бастыҥ ааҕааччы" аатын ылбыта. 1990-91 үө.дь. 7 кылаас оҕолоро саамай элбэх кинигэни уларсан аахпыттар. (кыл. сал. Габышева Фаина Егоровна) 1995-96 сылларга 5 кылаас (кыл.сал. Парфенова Елена Семеновна) инники күөҥҥэ тахсыбыт. 1996-97 сылга 25 кинигэни аахпыт начальнай кылаас оҕолоро "Бастыҥ ааҕааччы" аатын ылбыттар. 

Оскуола библиотекатыгар үлэлээбит библиотекарьдар

Владимирова Александра Елисеевна,Дьяконова Евдокия Ивановна

Захарова Клара Степановна, Барашкова Мотрена Ильнична

Попова Наталья Яковлевна,Попова Марфа Ефремовна

Пономарева Евдокия Васильевна, Ермолаева Дария Васильевна

Захарова Надежда Романовна, Иванова Ульяна Кэнчэриевна

Шепеткина Мария Степановна,Стручкова Анна Аркадьевна

Михайлова Екатерина Ивановна,Пономарева Ирина Ивановна

Анемподистова Маргарита Семеновна,Иванова Александра Сергеевна

Скрябина Наталья Павловна, Максимова Светлана Еремеевна

Коркина Феодосия Егоровна, Терютина Лена Степановна

Местникова Мотрена Павловна, Гаврильева Ирина Николаевна

Кытаанахтааҕы "Түһүлгэ" норуот айымньытын Дьиэтэ, Кытаанахтааҕы библиотека сэбиэдиссэйэ Мотрена Николаевна Захарова үлэлиир кэмнэригэр 2004 сылтан оскуола үөрэнээччилэригэр анаан улуустааҕы Культурологическай ааҕыы  тэрийэн ыытар. Культура үлэһиттэрин үйэтитэр сыаллаах ааҕыыга библиотекарь Анна Гаврильевна Пономарева, киномеханик Александра Дмитриевна Константинова, кулууп директора Николай Васильевич Захаров бириистэригэр, ону таһынан "Чөл олох" темаларыгар  ааҕыылар ыытыллыбыттара. Манна сүрүн күүс, тэрийээччи быһыытынан Кытаанахтааҕы тыа сирин модельнай библиотекатын сэбиэдиссэйэ Лена Александровна Пономарева уонна оскула библиотекара Мотрена Павловна Местникова буолаллар.  

Билигин оскуола библиотекарынан үлэлиир коллегабытын, эдэр специалиһы Ирина Николаевнаны бүгүҥҥү Оскуола библиотекатын күнүнэн эҕэрдэлиибит. Таһаарыылаах, айымньылах үлэни баҕарабыт!

Информациялар тыа сирин модельнай бибилотекатыттан уонна оскуола историятын кэпсиир кинигэттэн ылылыннылар.  

Россия аҕаларын күнүн чэрчитинэн, алтынньы 23 күнүгэр "Аҕа үтүө сатабыла - дьиэ кэргэн бигэ туруга" элбэх уол оҕону үлэнэн ииппит, туруу үлэһит Петр Иванович Собакинныын, Кытаанахтааҕы тыа сирин модельнай библиотекатын сэбиэдиссэйэ Лена Александровна Пономарева истиҥ сэһэргэһии биэриигэ көрүстэ. Евдокия Алексеевна, Петр Иванович Собакиттар дьиэ-кэргэттэрэ алта оҕону төрөтөн, иитэн-үөрэтэн, биэс уолаттара үлэни өрө тутан, ханнык да ыарахаттартан толлубакка, дьиҥ сахалыы өйүнэн олорорго, аҕалара тус бэйэтин холобурунан буолар.

Бүгүн, о.э. алтынньы 23 күнэ - Сахабыт сиригэр Ювелирнай уонна алмааһы кырыылыыр бырамыысыланнас күнэ. 2010 сыл муус устар 26 күнүгэр СР Бэрэсидьиэнэ "Идэлээх саҥа бырааһынньыгы олохтуур туһунан" 1905 нуемэрдээх Ыйаахха илии баттабыт. Бырааһынньык алтынньы 23 күнэ буолара быһаарыллыбыт, тоҕо диэтэххэ бу күн 1992 сыллаахха Сунтаар алмааһы кырыылыыр собуотугар Саха сирин историятыгар аан бастакы күн тааһа - алмаас кырыыламмыт. 0,546 караттаах алмаастан 0,27 караттаах дьэрэкээн бриллиант чочуллан тахсыбыт. Ювелирнай уонна алмааһы кырыылыыр бырамыысыланнас үлэһиттэрин күнүн олохтооһун тустаах салаа үлэһиттэригэр ытыктааһын уонна СР сайдыытыгар ювелир - кырыылыыр салаа дьоһун суолталааҕын билинии буолар.

Биһиги Далан аатынан художественнай-эстетическэй оскуолабыт 3 выпускниктара бу идэ5э - ювелир идэтин талан, үөрэнэн, анал идэлээх специалистар. Ол курдук Соркомов Иван - ХИФУ ИТФ сыаналаах таастар уонна металлар технологтара идэлээх, Дайаана Дьячковская - ХИФУ ФТИ  сыаналаах таастары уонна металлары тупсаран оҥорор технолог идэтин ылла, Айталина Гермогенова- ХИФУ ФТИ эмиэ бу идэҕэ үөрэнэн билигин ООО "Ломбард Золотник Плюс" тэрилтэҕэ товаровед- оценщигынан үлэлиир. Оҕолорбутун идэлээх күҥҥүтүнэн эҕэрдэлиибит. Таһаарыылаах, айымньылах үлэни, чэгиэн доруобуйаны баҕарабыт!

Россия Аҕаларын күнүгэр аналлаах "Аҕа - кэскил төрдө"  тэрээһиммитигэр эдэр ыал аҕалара Петр Бабиченко, Айтал Платонов, Степан Прохоров кыттыыны ыллылар. Биэс түһүмэхтээх биирдиилээн бастыыр иһин күрэхтэһиигэ, күннээҕи түбүктэн быыс булан, сынньана, көрдөөх түһүмэхтэргэ көхтөөхтүк кытыннылар. Ол курдук 5 ойбон, эрийии, кыраҕы харах, шуруповертынан күрэхтэр түмүктэринэн Муҥутуур кыайыылааҕынан таҕыста Степан Прохоров уонна анал кубок хаһаайынынан буолла. Бүгүҥҥү сынньалаҥ киэһэбитигэр кыттыбыт аҕаларбыт кэлэр 2022 сыл халандаарын бэлэх туттулар. 

Россия аҕаларын күнүгэр анаан "Түһүлгэ" НАДь иһинэн үлэлиир, республикаҕа бастыҥ үлэлээх "Сыккыс" доруобуйаларынан хааччахтаах дьон түмсүүтэ  тэҥнэбиллээх оонньуу ыытар. 

Оонньуу алтынньы 23 күнүгэр, о.э. субуота5а киэһэ 19ч30м @kytanaxklab инстаграм сирэйигэр быһа биэриинэн ыытыллар. Сүрүн бириис циркуляр (пила) . Билиэттэри Ксения Николаевнаттан 89627354643 ыйытын. 

Бүгүн, алтынньы 20 күнэ Повар күнэ. Бу кэрэ бэлиэ күнүнэн биһиги нэһилиэкпит повар идэлээх дьоннорун, Далан аатынан орто оскуолабыт  уонна "Ньургуйаана" уһуйаан повардарын Пономарева Елизавета Владимировнаны, Скрябина Ольга Павловнаны, Новгородова Елена Васильевнаны, Максимов Николай  Петровиһы ис сүрэхтэн эҕэрдэлиибит!

Үгүс үүнэр көлүөнэ ыччаппыт, кырачааннарбыт эһиги астаабыт минньигэс, тотоойу бүлүүдэлэргитин аһаан, эт-хаан, өй-санаа өртүнэн чэгиэн-чэбдик сылдьалларыгар кырата суох кылааттааххыт. 

Бүгүн биһиэхэ, повар идэлээх Николай Максимов   "Алаас" профилакторийга  үлэлиир кэмнэригэр түбэспит мүччүргэннээх сырыытын кэпсээтэ

Ол курдук Николай "Алааска" үлэлиир бастакы сылларыгар кинини саха диэн көрбөттөр эбит. Онно эмтэнэ сылдьааччылар араас сиртэн кырдьаҕас дьон кэлэллэр, нууччалыы билбэт буоллахтара дии, повардары кытта кэпсэтэ сатыыллар уонна туох диэбиттэрин өйдөөбөккө, повардар Коляны  переводтатаары ыҥырдахтарына, эмтэнээччилэр "Сатана, ыҥырбыт да киһилэрэ баар ээ, саха буолбатах уонна хайдах быһаарыай", онтон Коля сахалыы саҥардаҕына аны өмүрэн "Сирэҕэс уола сахалыы саҥарар эбит дуу" дииллэр үһү.

Повардарбыт сөбүлээн астыыр фирменнэй бүлүүдэлэрин  рецептарын бар дьонноругар бырааһынньыгынан бэлэх ууналлар

Елена Новгородова: Торт

6 cымыыт, 1 стакан саахар, 1 стакан бурдук. Крем - 1 сгущеннай үүт, 300гр ынах арыыта.

Николай Максимов: Фаршированнай балык

Чир балык таһын ыраастыыбыт, хатырыгын сууйан-сотон иһин ороон баран, тириитин алдьаппакка этин хостуубут. Уҥуохтарын арааран ылабыт. Икки быһыы килиэби үүккэ илитэн, балыгы кытта тэҥҥэ мясорубкаҕа эриттэрэбит. 1 сымыыт, туус тума бэйэн билэргинэн уонна лимон согун бэйэн сөбүлүүргүнэн кутаҕын. Барытын булкуйан баран, балык иһигэр угабыт, духовкаҕа буһарабыт. 

 Минньигэстик аһаан!

Быйыл 2021 сыллаахха нэһилиэнньэбит төһө буолбутун чуолкайдыыр дойду үрдүнэн перепись саҕаланна. Биһиги нэһилиэкпитигэр  перепись агенынан Саина Седалищева үлэтин саҕалаата. Ааспыт нэдиэлэттэн 16 ыалга перепись ыыппыт, пандемия кэмэ буолан телефонунан тахсар ыалларга, онон кини эрийдэ5инэ ыйытар боппуруостарыгар ыксаабакка, чуолкайдык эппиэтииргитигэр. Эбэтэр госуслуганан киирэн бэйэ5ит толоруоххутун сөп уонна QR-код киниэхэ ыытаҕыт. 

Бары көхтөөхтүк кыттыҥ!

Бүгүн, о.э. алтынньы 19 күнүгэр Чурапчы улууһун норуот айымньыларын Дьиэлэрин уус уран салайааччыларын семинара буолла. 

Көрүллэр боппуруостарынан Айыллаан "Киносинтез" бырайыага, кэлэр сыллааҕы улуус мероприятиялара, дьаһаллара, былааннара, улуустааҕы уус уран салайааччылар Сэбиэттэрин састаабын көрүү.

Семинарга улууспут уус уран салайааччылара түмсэн санаа атастаһан, культурабыт салаатын салайааччыларын кытта көрсүһэн, саҥа үлэлии кэлбит специалистары кытта билсиһэн элбэх идеялары, сүбэлэри атастаһан астынан тарҕастылар.

СӨ бэрэсидьиэнин 1993 сыл балаҕан ыйын 2 күнүнээҕи ыйааҕынан СӨ Ийэлэрин күнүн көрсө 

"Үс көлүөнэ үйэлээх ситимэ" ааҕыыга уонна хаартыскаҕа түһүүгэөрөспүүбүлүкэтээҕи кэтэхтэн аһаҕас күрэх ыытылла турар. Тэрийээччилэр: Чурапчы улууһун Кытаанах орто оскуолатын уонна нэһилиэк модельнай библиотекалара. Сарсыҥҥынан о.э. алтынньы 20 күнүнэн үлэлэри тутуу  болдьоҕо бүтэр. Ким кыттыан баҕалаах 89627377003 тел билсин. 

Кыыс омук анала. Ол курдук биһиги нэһилиэк кыргыттара туора-туспа сиргэ баран алаһа дьиэ Далбар Хотуттара, истиҥ кэргэн, иһирэх ийэ буолан олорон "Кыыс анала- Ийэ дьоло" бырайыакпытыгар кыттарга сөбүлэҥнэрин биэрдилэр.

Кинилэр кимнээҕин билиэххин баҕараҕын?

Көрөөрүҥ! Ыалдьаарыҥ! Сэҥээриҥ!