Бу дьыл балаҕан ыйын 19 күнүгэр Чурапчы улууһун 41 колхоһа хоту күүс өртүнэн көһөрүллүүгэ барбыттара 79 сыл буолла. Биһиги нэһилиэкпититтэн 5, Танда Бахсыттан 2 колхоз Булуҥ улууһугар көһөрүллүбүттэрэ. 

Сарсын улуус үрдүнэн "Кэриэстэбил" күнүгэр көһөрүллүүгэ барбыт дьоммутун кэриэстээн "Чурапчы алдьархайа 79" акцияҕа дьоммут хаартыскаларын хештегинэн бэлиэтээн кыттыаҕыҥ.

Киэһэ 19ч30м  бу күҥҥэ аналлаах "Түүһүлгэ" НАДь анал таһаарыытын көрөргүтүгэр ыҥырабыт.  20 ч "Көһөрүллүү" скверигэр чүмэчи туруоран дьоммутун кэриэстиэҕиҥ.

Бүгүн, балаҕан ыйын 18 күнүгэр "Түһүлгэ" норуот айымньытын Дьиэтэ саҥа сүлэ сезонун арыйар "Түһүлгэҕэ - бары бииргэ" дьоро күнүгэр ыҥырабыт. дьаһалларбыт биллэр биричиинэнэн онлайн форматынан ыытыллар. Программаҕа киэһэ 18 чаастан бырааһынньыктааҕы эҕэрдэ кэнсиэр эһиэхэ анаан саҥа ырыалар, үҥкүүлэр. Киэһэ 19ч30м @kytanaxklub инстаграмна "Күһүҥҥү киһи күлбүтүнэн" сүүйүүлээх оонньуу ыытыллар. Сүрүн бириис электроэрбии, өссө бааллар хаһаайыстыбаҕа туттуллар мал-сал: блендэр, 40-наах илим, баах, походнай остуол уо.д.а.

Балаҕан ыйын 18 күнүгэр "Түһүлгэҕэ бары бииргэ" саҥа үлэ сезона аһыллар күнүн бэлиэтиир дьоро күҥҥэ сүүйүүлээх оонньууга кыттаргытыгар ыҥырабыт. Сүрүн бириис Эрбии (дружба), ону таһынан  саа угар сейфэ, 40-наах илим, блендер уо.д.а. наьаа туһалаах мал - сал оонньонор. Билиэт сыаната 150 солк. Кыттыҥ! Сүүйүҥ! 

Чурапчы улууһун куратора, СӨ тыатын хаһаайыстыбатын миниистирэ Алексей Павлович Атласов, Ил Түмэн депутата Михаил Дмитриевич Гуляев, улуус мунньаҕын бэрэссэдээтэлэ Афанасий Афанасьевич Захаров нэһилиэнньэни кытта көрүстүлэр. инники соруктары, үлэ хаамыытын кэпсэтистилэр. Нэһилиэк олохтоохторун ыйытыктарыгар хоруйдаатылар.

Бүгүн аан дойду үрдүнэн Арыгыны утарыы күнэ. Бу күҥҥэ анаан биһиги нэһилиэкпит модельнай библиотеката уонна норуот айымньытын Дьиэтин үлэһиттэрэ оскуола оҕолоругар уонна нэһилиэнньэҕэ "Киһи олоҕо ыйааһын хараҕа" диэн ааттаах куйаар ситиминэн викторина ыыттыбыт. 

В.С.Яковлев - Далан аатынан орто оскуолабыт 9-10-11 кылааһын үөрэнээччилэригэр "Арыгы иэдээнэ" диэн темалаах кылаас чааһын Кытаанахтааҕы модельнай библиотека библиотекара СР культуратын туйгуна Лена Александровна Пономарева куйаар ситиминэн ыытта. барыта 20 оҕо кылаас чааһыгар кытынна. 

Нэһилиэк олохтоохторугар онлайн - викторинаны уус - уран салайааччы Агафья Барашкова ыытта, түмүккэ Муҥутуур кыайыылааҕынан биир дойдулаахпыт Уус- Алдан Бороҕонугар олорор Ирина таҕыста.

Арыгы иэдээнэ үүнэр көлүөнэ оҕолорун, нэһилиэкпит олохтоохторун хаарыйбатыгар, бары чөл олоҕу тутуһан чэгиэн - чэбдик буолуоҕуҥ!

Бу күннэргэ "Түһүлгэ" НАДь саҥа үлэ сезонун көрсө кулууппутун сууйан, ыраастаан үлэлиир усулуобуйабытын оҥостобут. Бэҕэһээ кулууппут сылааһа ыытыллан генуборка буолла, бүгүн үчүгэй күннэри баттаһа нэһилиэкпит кыраныыссатыгар турар үс сэргэбитин саҥардан, кырааскалааһын үлэтэ ыытылынна. Кыайыы 55 сылыгар аналлаах өйдөбүнньүгү кырааскалааһын былааннанар. 

Саҥа сезоммтун бу ый 18 күнүгэр "Түһүлгэҕэ-бары бииргэ" диэн ааттаах кэнсиэринэн аһаары репетиция, репертуар саҥардыыта, куруһуокпут чилиэннэрин кытта үлэлэр саҕаланнылар. 

Бу дьыл балаҕан ыйын 8 күнүгэр улуус культураҕа үлэһиттэрин саҥа сезонун семинара буолла. Кыттыыны ыллылар

"Чурапчы улууһа(оройуона)" МТ баһылыгын солбуйааччылар Н.И.Аммосов, А.Г.Егоров

А.Н.Корякин - республикатааҕы норуот айымньытын Дьиэтин специалиһа

Улуустааҕы кииннэммит балыһа кылаабынай бырааһа А.М.Ксенофонтов

Улуус культураҕа салаатын начальнига Д.Д.Попов.

Улуус культуратын үлэһиттэрэ саҥа сезону арыйарга, таһаарыылаахтык, айымньылаахтык үлэлииргэ бэлэммит.

Балаҕан ыйын 1 күнэ - Билии күнэ В.С.Яковлев- Далан аатынан Кытаанах орто оскуолатын үөрэх дьылын саҥа таас оскуола иннигэр үөрүүлээх быһыыга ыытылынна. Быйылгы 2021-2022 үөрэх дьылыгар 10 сана үөрэнээччи оскуола боруогун аан бастаан атыллаан, маҥнайгы учууталлара СР үөрэҕириитин туйгуна  Наталья Николаевна Игнатьева эрэллээх илиитигэр киирдилэр. Билии күнүнэн үөрэнээччилэри, төрөппүттэри, учууталлары эҕэрдэлээтилэр улууспут баһылыгын эбээһинэһин толорооччу А.А.Ноговицын, улуустааҕы үөрэх салалтатын начальнига Ю.П.Посельскай, нэһилиэкпит баһылыгын солбуйааччы Е.И.Скрябина уо.д.а.

   Нэһилиэкпит үүнэр көлүөнэ оҕолоро киэҥ билиилээх-көрүүлээх, дэгиттэр сайдыылаах, ситиһиилээх, инникилээх буолууларыгар ананан тутуллубут саҥа таас оскуолабыт үлэҕэ киирэрэ аҕыйах кэм хаалла, бары учууталлары, ветераннары, үөрэнээччилэри, төрөппүттэри саҥа үөрэх дьылынан эҕэрдэлиибит! 

Бүгүн, атырдьах ыйын 17 күнүгэр саҥа оскуолабыт таһын ыраастааһыҥҥа нэһилиэк уопсай субуотунньуга ыытылынна. Нэһилиэкпит бары тэрилтэлэрин, нэһилиэк олохтоохторо көхтөөхтүк тахсан, үөрэ - көтө үлэлээтибит. Оҕолорбут, сиэттэрбит саҥа сырдык, ыраас, аныгылыы тупсаҕа оҥоһуулаах, өр сылларга кэтэспит таас оскуолабыт тутуллан үлэҕэ киирэн эрэриттэн долгуйа үөрэбит.

Сэрэхтээх буолар ордук

Бу күннэргэ биһиги улууспутугар баһаардар буола туралларын бары истэ, билэ сылдьабыт, онон туохха барытыгар бэлэм буолбут ордук.

Сэрэиллибит, ол аата бэлэмнээх диэн өйдөбүлгэ олоҕурабыт

- туох баар докумуоннары (паспорт, дьиэ, уһаайба, сир уо.д.а.) биир сиргэ түмэн, дьиэ - кргэн бары билэрсиргитигэр уурун

- тыа аттыгар олорооччулар дьиэҕититтэн чугс үүнэр мастары кэрдэн биир сиргэ чөмөхтөөн, ону анал биригээдэ хомуйар

Булгуччу бобуллар:

- дьиэ таһыгар бөх уматар (анал бочкаларга да уматар бобуллар)

-тыаҕа сир астыыр, күүлэйдиир бобуллар!

Бары сэрэхтээх, болҕомтолоох буолуоҕуҥ!