Бүгүн, Сахабыт сирин Судаарыстыбаннаһын күнүгэр аналлаах  "Киэн туттабын Сахам сиринэн" өркөн өй интеллектуальнай оонньууну Кытаанахтааҕы тыа сирин модельнай библиотеката тэрийэн ыытта. Күрэххэ Далан аатынан орто оскуола 11 кылааһын үөрэнээччитэ Диана Местниова ийэтинээн Мотрена Дмитриевналыын оонньоотулар. Кинилэргэ көмөлөһөөччүлэринэн Диана  кылааһын салайааччыта Маргарита Семеновна уонна Мотрена Дмитриевна дьүөгэтэ Прасковья Владимировна  кэллилэр. 3 түһүмэхтээх 5 ыйытыктаах оонньуу түмүгүнэн Диана кыайан финалга таҕыста. Диананы, ийэтин Мотрена Дмитриевнны эҕэрдэлиибит. Уонна финалга күүтэбит.

Саха сирин Судаарыстыбаннаһын күнүгэр аналлаах "Сахам сирин кыыллара" оскуола оҕолоругар уруһуй күрэҕин кыайыылаахтарын билсиҥ

1 миэстэ - "Северный олень" Борисова Сайаана 6 кылаас

2 миэстэ - "Бэдэр" Дьяконова Наина 4 кылаас

3 миэстэ - "Кыһыл саһыл"  Потапов Арыйаан 4 кылаас

Бары кыттыбыт оҕолорбутугар улахан махталбытын тиэрдэбит, инникитин даҕаны тапталлаах сахабыт сирин туһунан элбэҕи билиҥ, үөрэтиҥ, кэрэни кэрэхсээн. Бары кыттыбыттарга сертификат бэриллэр. 

"Сахам сирин кыыллара" оскуола оҕолоругар уруһуй күрэҕэ биллэриллэн, үлэлэр киирэн эрэллэр. Эһиги болҕомтоҕутугар киэҥ нэлэмэн Сахабыт сирин кыыллара. Көрүҥ, сэргээҥ, сэҥээриҥ!

Бүгүн, балаҕан ыйын 27 күнэ Саха сирин олохтоохторугар улахан суолталаах күн. Ол курдук сахабыт сирин Судаарыстыбаннаһын күнэ. Бу долгутуулаах күнүнэн бары биир дойдулаахтарбытын, тапталлаах Сахабыт сирин, Чурапчыбыт улууһун, кытаанахпыт нэһилиэгин дьонун - сэргэтин эҕэрдэлиибит!

Нэһилиэкпит баһылыга Егор Потапов, нэһилиэкпит олохтоохторо Римма, Иван Максимовтар, эдьиийдии - балыстыы Ирина Макарова, Мария Аргунова, олоҥхоһут, тойуксут, чабырҕахсыт, Өрөспүүбүлүкэбит Олоҥхо ассоциассиятын чилиэнэ Сусанна Лазарева, Далан аатынан оскуолабыт бастыҥ үөрэнээччитэ Айсен Терютин, олохтоох ааптар Николай Төлөөйүскэй "Доҕоттоор, мин чурапчыбын" хоһоонунан бу күнү өрө күүрүүлээхтик көрүстүбүт. 

Балаҕан ыйын 22 күнүгэр саҥа оскуолабытыгар кырааскаҕа субуотунньук буолан ааста.Нэһилиэк олохтоохторо- тэрилтэ үлэһиттэрэ,төрөппүттэр кыттыыны ыллылар. Дэриэбинэбит биир кэрэ көстүүтүнэн буолар саҥа оскуолабыт нэһилиэнньэ сүргэтин көтөҕөн күн түүн тупсан иһэр.  

Нэһилиэкпит библиотеката "Көмүс күһүн" кинигэ быыстапкатын тэрийдэ. ханнык баҕарар киһи доруобай эрэ буоллаҕына сүүрэр - көтөр, күлэр - үөрэр, үлэлиир -хамсыыр, айар - тутар, быһата, биирдэ бэриллэр олоҕу толору олорор кыахтаах. бу быыстапкаҕа эһиги билсиэххит

"Сибэккини таптааччылар", "Тылынна күһүҥҥү нуһараҥ..." поэзия алыптаах долгураҥа, "Тайҕа суруллубатах сокуона" булчуттарга аналлаах, "Көмүс күһүҥҥэ сылаас чэй иһэ олорон аах, дуоһуйа сынньан" саҥа уус - уран кинигэлэр, "Күһүн кэлэн сылаас тыыны ыраах үүрдэ, хахсаат тыалбыт кэрэ кэми сэбирдэхтии көтүттэ... онтон эн күндү ааҕааччы сылаас дьиэҕэр оҥоһукта оҥор, иистэн...күһүҥҥү нууралга куустара...", "Күһүҥҥү көстүүттэ сүргэ көтөҕүллэн дьиэҕин киэргэт симээ, уларт, дууһалыын долгуйа", "Олох төрдө доруобуйа" түһүмэхтэр эһигини күүтэллэр.  

Бу дьыл балаҕан ыйын 19 күнүгэр Чурапчы улууһун 41 колхоһа хоту күүс өртүнэн көһөрүллүүгэ барбыттара 79 сыл буолла. Биһиги нэһилиэкпититтэн 5, Танда Бахсыттан 2 колхоз Булуҥ улууһугар көһөрүллүбүттэрэ. 

Сарсын улуус үрдүнэн "Кэриэстэбил" күнүгэр көһөрүллүүгэ барбыт дьоммутун кэриэстээн "Чурапчы алдьархайа 79" акцияҕа дьоммут хаартыскаларын хештегинэн бэлиэтээн кыттыаҕыҥ.

Киэһэ 19ч30м  бу күҥҥэ аналлаах "Түүһүлгэ" НАДь анал таһаарыытын көрөргүтүгэр ыҥырабыт.  20 ч "Көһөрүллүү" скверигэр чүмэчи туруоран дьоммутун кэриэстиэҕиҥ.

Бүгүн, балаҕан ыйын 18 күнүгэр "Түһүлгэ" норуот айымньытын Дьиэтэ саҥа сүлэ сезонун арыйар "Түһүлгэҕэ - бары бииргэ" дьоро күнүгэр ыҥырабыт. дьаһалларбыт биллэр биричиинэнэн онлайн форматынан ыытыллар. Программаҕа киэһэ 18 чаастан бырааһынньыктааҕы эҕэрдэ кэнсиэр эһиэхэ анаан саҥа ырыалар, үҥкүүлэр. Киэһэ 19ч30м @kytanaxklub инстаграмна "Күһүҥҥү киһи күлбүтүнэн" сүүйүүлээх оонньуу ыытыллар. Сүрүн бириис электроэрбии, өссө бааллар хаһаайыстыбаҕа туттуллар мал-сал: блендэр, 40-наах илим, баах, походнай остуол уо.д.а.

Балаҕан ыйын 18 күнүгэр "Түһүлгэҕэ бары бииргэ" саҥа үлэ сезона аһыллар күнүн бэлиэтиир дьоро күҥҥэ сүүйүүлээх оонньууга кыттаргытыгар ыҥырабыт. Сүрүн бириис Эрбии (дружба), ону таһынан  саа угар сейфэ, 40-наах илим, блендер уо.д.а. наьаа туһалаах мал - сал оонньонор. Билиэт сыаната 150 солк. Кыттыҥ! Сүүйүҥ! 

Чурапчы улууһун куратора, СӨ тыатын хаһаайыстыбатын миниистирэ Алексей Павлович Атласов, Ил Түмэн депутата Михаил Дмитриевич Гуляев, улуус мунньаҕын бэрэссэдээтэлэ Афанасий Афанасьевич Захаров нэһилиэнньэни кытта көрүстүлэр. инники соруктары, үлэ хаамыытын кэпсэтистилэр. Нэһилиэк олохтоохторун ыйытыктарыгар хоруйдаатылар.