Новости

20210908_104247.jpg

9.09.2021

Бу дьыл балаҕан ыйын 8 күнүгэр улуус культураҕа үлэһиттэрин саҥа сезонун семинара буолла. Кыттыыны ыллылар

"Чурапчы улууһа(оройуона)" МТ баһылыгын солбуйааччылар Н.И.Аммосов, А.Г.Егоров

А.Н.Корякин - республикатааҕы норуот айымньытын Дьиэтин специалиһа

Улуустааҕы кииннэммит балыһа кылаабынай бырааһа А.М.Ксенофонтов

Улуус культураҕа салаатын начальнига Д.Д.Попов.

Улуус культуратын үлэһиттэрэ саҥа сезону арыйарга, таһаарыылаахтык, айымньылаахтык үлэлииргэ бэлэммит.

 

IMG-20210902-WA0025.jpg

2.09.2021

Балаҕан ыйын 1 күнэ - Билии күнэ В.С.Яковлев- Далан аатынан Кытаанах орто оскуолатын үөрэх дьылын саҥа таас оскуола иннигэр үөрүүлээх быһыыга ыытылынна. Быйылгы 2021-2022 үөрэх дьылыгар 10 сана үөрэнээччи оскуола боруогун аан бастаан атыллаан, маҥнайгы учууталлара СР үөрэҕириитин туйгуна  Наталья Николаевна Игнатьева эрэллээх илиитигэр киирдилэр. Билии күнүнэн үөрэнээччилэри, төрөппүттэри, учууталлары эҕэрдэлээтилэр улууспут баһылыгын эбээһинэһин толорооччу А.А.Ноговицын, улуустааҕы үөрэх салалтатын начальнига Ю.П.Посельскай, нэһилиэкпит баһылыгын солбуйааччы Е.И.Скрябина уо.д.а.

   Нэһилиэкпит үүнэр көлүөнэ оҕолоро киэҥ билиилээх-көрүүлээх, дэгиттэр сайдыылаах, ситиһиилээх, инникилээх буолууларыгар ананан тутуллубут саҥа таас оскуолабыт үлэҕэ киирэрэ аҕыйах кэм хаалла, бары учууталлары, ветераннары, үөрэнээччилэри, төрөппүттэри саҥа үөрэх дьылынан эҕэрдэлиибит! 

 

20210817_114031.jpg

17.08.2021

Бүгүн, атырдьах ыйын 17 күнүгэр саҥа оскуолабыт таһын ыраастааһыҥҥа нэһилиэк уопсай субуотунньуга ыытылынна. Нэһилиэкпит бары тэрилтэлэрин, нэһилиэк олохтоохторо көхтөөхтүк тахсан, үөрэ - көтө үлэлээтибит. Оҕолорбут, сиэттэрбит саҥа сырдык, ыраас, аныгылыы тупсаҕа оҥоһуулаах, өр сылларга кэтэспит таас оскуолабыт тутуллан үлэҕэ киирэн эрэриттэн долгуйа үөрэбит.

IMG-20210812-WA0017.jpg

13.08.2021

Биһиги улууспутугар Мугудайга, Мэлдьэхсигэ буола турар баһаары утары охсуһар байыастарга, Горнай улууһун Бэс - Күөлүн олохтоохторугар Кытаанах нэһилиэгин олохтоохторо таҥаһынан, аһынан, туттар тэрилинэн көмөлөһөн бэҕэһээ олохтоох дьаһалта дьиэтигэр түмэн, бүгүн атырдьах ыйын 13 күнүгэр аналлаах миэстэтигэр туттарыахтара.

Нэһилиэкпит "Үйэн" дьахтар Сэбиэтэ (сал Л.А.Пономарева, Сэбиэт чилиэннэрэ Т.Е.Пономарева, А.Н.Дьяконова, О.Р.Аржакова, Е.В.Новгородова, П.В.Монастырева, А.А.Барашкова, М.И.Коркина, И.Н.Гаврильева), түөлбэлэринэн үлэлэстилэр, "Сыккыс" доруобуйаларынан хааччахтаах дьон түмсүүтэ (сал К.Н.Гоголева) 100 шт маскаларынан көмөлөстүлэр.

Нэһилиэкпит депутаттара, баһылыкпыт Е.Н.Потапов "Штиль" 230-таах бензопилалары, 1 бочка сэлээркэни Мугудайга, Мэлдьэхсигэ көмө быһыытынан ыыттылар.

Бу кэмҥэ бары бииргэ түмсэн, ыарахаттары чэпчэтиһэрбит олус махталлаах!

Бары биир Сомоҕо!!!

attention-clip-art-1.png

13.08.2021

Сэрэхтээх буолар ордук

Бу күннэргэ биһиги улууспутугар баһаардар буола туралларын бары истэ, билэ сылдьабыт, онон туохха барытыгар бэлэм буолбут ордук.

Сэрэиллибит, ол аата бэлэмнээх диэн өйдөбүлгэ олоҕурабыт

- туох баар докумуоннары (паспорт, дьиэ, уһаайба, сир уо.д.а.) биир сиргэ түмэн, дьиэ - кргэн бары билэрсиргитигэр уурун

- тыа аттыгар олорооччулар дьиэҕититтэн чугс үүнэр мастары кэрдэн биир сиргэ чөмөхтөөн, ону анал биригээдэ хомуйар

Булгуччу бобуллар:

- дьиэ таһыгар бөх уматар (анал бочкаларга да уматар бобуллар)

-тыаҕа сир астыыр, күүлэйдиир бобуллар!

Бары сэрэхтээх, болҕомтолоох буолуоҕуҥ!

sos.jpg

11.08.2021

Убаастабыллаах Кытаанах нэһилиэгин олохтоохторо, биир дойдулаахтарбыт!

Баһаар, Чурапчыбыт улууһун Мэлдьэхси, Мугудай нэһилиэктэригэр дэриэбинэҕэ чугаһаан кутталы үөскэтэн суһаллык көмөҕө наадыйаллар.

Баҕа өттүнэн көмөҕө барааччылар бензопилаалаах, күрдьэхтээх, өйүөлээх, утуйар мешоктаах бараргытыгар. Ранец, помпа, ас, эмп, мааска ыытарга көмө оҥоруон баҕалаахтар олохтоох дьаһалта специалистарыгар тиксэрэргитигэр көрдөһөбүт.

Бу ыксаллаах түгэҥҥэ бары биир санаанан салайтаран көмө, тирэх буолуоҕуҥ!

Бары биир СОМОҔО!!!

 

помощь.jpg

10.08.2021

Убаастабыллаах Кытаанах нэһилиэгин олохтоохторо, биир дойдулаахтарбыт!

Баһаар содулуттан турар бэйэлэрэ эрэ хаалбыт Горнай улууһун Бэс Күөлүн олохтоохторугар көмө оҥорогутугар ыҥырабыт

Көмө араас хайысханан оҥоһуллар:

- үбүнэн

-таҥаһынан - сабынан

бородуукта бары көрүҥэ (арыы, кэнсиэрбэ, бурдук, саахар уо.д.а.)

- хаһаайыстыбаннай табаар

Харчынан көмөнү 89676243643 Аина Николаевна К моббаныгар ыытаҕыт

Онтон атын көмөнү олохтоох дьаһалта дьиэтигэр 10ч00м - 17ч00м специалистарга туттараҕыт

Көмөнү оҥоруу атырдьах ыйын 10 - 15 күннэригэр тутабыт, күүтэбит.

Ытыктабыллаах бар дьоммут, кыһалҕалаах кэмҥэ биир сомоҕо буолан түмсүөҕүҥ, көмөлөһүөҕүҥ!

Норуот күүһэ - Көмүөл күүһэ!

Захаров1.jpg

8.08.2021

Бүгүн, Чурапчы улууһун уонна Кытаанах нэһилиэгин Бочуоттаах олохтоохторро, хайыһарга, чэпчэки атлетикаҕа улуус, республика, Дальнай Восток, аан дойду хас да төгүллээх чемпионнара, Кытаанахтааҕы Культура Дьиэтигэр 30 тахса сыл директорынан үлэлээбит Николай Васильевич Захаров 80 сааһын томточчу туолар үөрүүлээх, өрөгөйдөөх күнүнэн итиитик - истиҥнник эҕэрдэлиибит!

Баҕарабыт эдэрдии эрчимнээх сылдьан дьиэ - кэргэнин, оҕолорун, сиэттэрин, хос сиэттэрин үөрүүлэринэн дьоллоохтук, чэгиэнник сылдьаргар, Эйиигинэн киэн туттабыт, холобур оҥостобут, барыта санаа хоту этэҥҥэ салаллан истин!

IMG-20210428-WA0022.jpg

7.08.2021

Сарсын, атырдьах ыйын 8 күнүгэр ССРС культуратын туйгуна, хайыһарга спорт маастара, Кытаанахтааҕы культура Дьиэтигэр 30 тахса сыл диреторынан үлэлээбит Николай Васильевич Захаров 80 сааһын туолар үбүлүөйдээх өрөгөй күнэ үүнэр.

IMG-20210619-WA0050.jpg

18.07.2021


Карта сайта
Продолжая использовать данный сайт, Вы даете согласие на обработку своих персональных данных.