Новости

Screenshot_20221129-103438_Gallery.jpg

29.11.2022

Сэтинньи 26 күнүгэр, "Үлэ - киһи чиэһэ" диэн ааттаах нэһилиэкпитигэр Өрөспүүбүлүкэбит тыатын  хаһаайыстыбатын күнүгэр аналлаах дьоро киэһэ буолла. Фойеҕа атыы- дьаарбаҥка оскуолабыт төрөппүттэрин комитетын (председатель Потапова Т.Е.)тэрийиитинэн саҕаланна. Бу дьаарбаҥка нэһилиэкпититтэн мобилизацияҕа барбыт уолаттарбыт дьонноругар көмөлөһөр сыаллаах тэрилиннэ. Араас, күн талбыт аһа- үөлэ: бурдук, эт, балык астартан саҕалаан кэнсиэрбэ, оҕуруот, сир аһын арааһа бу киэһэ хото тардыллан атыыланна. 

Бырааһынньыктааҕы дьоро киэһэбит оскуолабытыгар саха тылын, литературатын, төрүт культуратын учуутала Лена Степановна Терютина  туруорбут "Былыр идэһэни туттуу сиэрэ- туома" театрализованнай дьүһүйүүттэн саҕаланна. Дьүһүйүүнү оскуолабыт 8 кылааһын үөрэнээччилэрэ олус кыһаллан оонньоотулар. 

Үөрүүлээх чааска нэһилиэкпит баһылыга Егор Николаевич Потапов Москваттан Россия тыатын хаһаайыстыбатын министерствотын дьиэтиттэн, нэһилиэкпит туруу үлэһит дьонугар видеонан эҕэрдэтин ыытта. Нэһилиэкпит баһылыгын солбуйааччы Екатерина Иннокентьевна Скрябина бастыҥтан бастыҥнарга,тыа хаһаайыстыбатын  ветераннарыгар  өрөспүүбүлүкэбит тыатын хаһаайыстыбатын 100 сылыгар анаммыт түөскэ анньыллар бэлиэнэн наҕараадалаата. Нэһилиэкпитигэр тыа хаһаайыстыбатын специалиһынан үрдүк таһаарыылаахтык үлэлээбит, билигин "Түһүлгэ" НАДь директорынан ананан үлэтин саҕалаабыт Айталина Владимировна Пономарева "Чурапчы улууһун тыатын хаһаайыстыбатыгар кылаатын иһин" түөскэ анньыллар бэлиэнэн наҕараадаланна.  Быйылгы үчүгэй көрдөрүүлээх, үлэлээх нэһилиэкпит олохтоохторугар анал ааттар туттарылыннылар. Ол курдук "Саамай элбэх үүнүүлээх хортуосканы ылбыт" Василий Титович Захаров, "Дохуоттаах оҕуруоччут" Евдокия Тимофеевна Миронова, "Түргэнник ситэр салааны сайыннарар" Екатерина Прокопьевна Скрябина, "Сайылык оҕолоро" 5 кылаас үөрэнээччитэ Алтаана Винокурова, 3 кылаас үөрэнээччитэ Виолетта Барашкова, "Эдэр кэскиллээх хаһаайыстыбанньык" 6 кылаас үөрэнээччитэ Гоша Афанасьев, "Сайылык тыына" Арҕаа Чараҥ сайылык олохтоохторугар Захаров В.Т, Сидоров П.Н, сайын аайы уунан хааччыйар В.Н.Монастыревка, улууска үчүгэй көрдөрүүлээх тыа хаһаайыстыбатын үлэһиттэригэр Махтал суруктар туттарылыннылар.

Бырааһынньыктааҕы эҕэрдэ кэнсиэркэ нэһилиэкпит уус-уран самодеятельноһын  талба талааннаахтара, куруһуок чилиэттэрэ, оскуолабыт үөрэнээччилэрэ, уһуйаан иитиллээччилэрэ көхтөөхтүк кытыннылар. 

Бу күн "Саамай улахан собо" күрэхтэһииигэ 34 см уһуннаах собону аҕалан кыайыылааҕынан  Кыыдаана Борисова, 2м - Эльвира Борисова, 3м - Гоша Афанасьев, 4м - Сахая Потапова буоллулар.

 

IMG-20221129-WA0026.jpg

29.11.2022

    "Мин баҕа санаам тиэргэнэ" маннык ааттаах оҥоһук күөн- күрэһэ, тыа хаһаайыстыбатын күнүн көрсө ыытылынна Кыттааччыларынан оскуолабыт алын сүһүөх, орто бөлөх оҕолоро. Балаһыанньа быһыытынан ханнык баҕарар матырыйаалтан: пластилин, мас, лего, таҥас, баайы сап, тиэстэ онтон да атын матырыйаалтан А3 кээмэйдээх оҥоһуктары кыттаачылар оҥорон аҕаллылар. Барыта 20 тахса оҕо 13 оҥоһуктарынан кытыннылар. биирдиилээн, кылааһынан, бөлөҕүнэн оҥорбуттар. Тэрийээччилэр ааттарыттан бары көхтөөхтүк кыттыбыт оҕолорбутугар махтанабыт, инникитин өссө айымньылаах үлэлэри баҕарабыт. 

Түмүк маннык буолла:

"Баай-талым тиэргэннээх дьиэ- кэргэн" 2 кылаас үөрэнээччитэ Титомир Лыткин аҕатынаан  олус хаачыстыбалаах, тиэргэн, хотон  бары ымпыгын - чымпыгын оҥорон анал аат хаһаайыттарынан буоллулар. Манна тоһоҕолоон эттэххэ оҥоһуктарынан оҕо бэйэтэ кыттыахтаах диэн балаһыанньаны тутустубут. Оҕолор бу оҥоһугу көрөн сөҕөн, эһиилги күөн- күрэскэ хайдах кыттарга идея ыллылар. 

3 миэстэни - Ева Бабиченко, 2миэстэни - Сахая Потапова иккиэн 2 кылаас үөрэнээччилэрэ (кылаас салайааччыта Наталья Николаевна Игнатьева), 1 миэстэни - 6 кылаас үөрэнээччитэ Гоша Афанасьев (кылаас салайааччыта - Варвара Николаевна Турнина) ыллылар. Кыайыылаахтар "Түһүлгэ" НАДь туруорбут минньигэс бириистэринэн, дипломнарынан наҕараадаланнылар. Бары кыттыбыттарга сертификаттар туттарылыннылар. Махталбытын тиэрдэбит технология учууталларыгар Александра Григорьевна Борисоваҕа, Петр  Акимовка оҕолору кытыннарбыттарыгар.

Олоҥхо.jpg

29.11.2022

Убаастабыллаах нэһилиэкпит олохтоохторо!

Сэтинньи ый 25 күнүттэн Өрөспүүбүлүкэбитигэр Олоҥхо декадата ыытылла турар. Бу дьаһал чэрчитинэн биһиги "Түһүлгэ" норуот айымньытын Дьиэтэ, хас бээтинсэ аайы анал сайтпытыгар "Олоҥхо киэһэтэ" тэрийдибит. Манна биир дойдулаахпыт, СР олоҥхотун ассоциациятын чилиэнэ, 2018 сылга Ил Дархан бириэмийэтин хаһаайката, үгүс олоҥхо ыһыахтарын лауреаттара, саха фольклорун тарҕатааччы олоҥхоһут, тойуксут, чабырҕахсыт Сусанна Васильевна Лазарева толорбут "Дуулаҕа Баатыр" олоҥхотун эһиэхэ иһитиннэрдибит. Бу олоҥхонон күөн- күрэс тэрийэбит диэн эрдэттэн биллэрбиппит. Олоҥхобут түмүктүүр алтыс чааһын бүгүн киэһэ көрүөххүт, ону сэргэ күөн - күрэс ыйытыктарын таһаарабыт. Олоҥхону болҕойон истиҥ, күөн - күрэскэ кыттыҥ. Үс кыайыылаах Сусанна Васильевна оҕолоро, аймахтара туруорбут бириистэринэн наҕараадаланаллар. Наҕараадалары туттарыы ахсынньы 5 күнүгэр киэһэ 16ч00м "Түһүлгэ" норуот айымньытын Дьиэтигэр буолуоҕа. 

Ыйытыктар хоруйдарын олоҥхоҕо этиллэринэн суруйаҕыт. Хоруйгутун ахсынньы 5 күнүгэр күнүс 14ч00м дылы "Түһүлгэ" НАДь аҕалаҕыт. 

1. Олоҥхо ааптара?

2. Орто дойду оҥоһуута хайдах этиллэрий?

3. Орто дойду көтөрдөрө?

4. Уу иччитэ, тыа иччитэ?

5.Аал Луук Мас үүммүт сирэ?

6. Аал Луук Мас иччитэ?

7.Орто дойду дьоно ааннарын бүрүйбүт тириилэрэ?

8. Оһохторун тугунан оттубуттарый?

9. Балаҕаҥҥа туох иһиттэр баалларый?

10. Уол ханан куоппутуй?

11. Удаҕан аата?

12. Удаҕан дүҥүрүн өҥө?

13. Уолу кимнээх тэрийэн орто дойдуга түһэрэллэрий?

14. Айыы бухатыырын атын дьүһүнэ?

15. Айталы Куо сытар хайатын аата?

16. Айталы Куоҕа ким өлбөт мэҥэ уутун биэрэрий?

17. Дуулаҕа Баатыр, Айталы Куо, Эрчимэн Бэргэн ханнык көтөр кыыллар буоллуларый?

Күөн күрэскэ көхтөөхтүк кыттыҥ, ким баҕалаах оҕотуттан оҕонньоругар, эдэриттэн эмэнигэр тиийэ кыттар.

Олоҥхону болҕойон истэн күөн - күрэскэ кыттыҥ! Хоруйдаргытын долгуйа күүтэбит!

 

IMG-20220203-WA0079.jpg

21.11.2022

Сэтинньи 18 күнүгэр киэһэ 19 чаастан Кытаанахтааҕы "Түһүлгэ" норуот айымньытын Дьиэтин иһинэн үлэлиир  куруһуоктар, түмсүүлэр 2022 сыллааҕы үлэлэрин кэпсиир дьоро киэһэ ыытылынна. Биэчэр бастакы чааһыгар куруһуоктарбытыгар, түмсүүлэрбитигэр аналлаах "Chill room" диэн ааттаах хоһу үөрүүлээхтик аһыы сиэрэ- туома ыытылынна. Директор Айталина Пономарева бу хоско быһаччы үлэлэспит дизайннаабыт Прасковья Собакинаҕа, электрик Марк Суздаловка, сонун көрүүлэрдээх Диана Местниковаҕа Махтал суруктары туттарда, хос аалай кыһыл лентэтин түмсүүлэр, куруһоктар салайааччылара дохсун ытыс тыаһынан быстылар. Фойеҕа куруһуоктарбыт, түмсүүлэрбит 2022 сыллааҕы ситиһиилэрин быыстапката турда. 

Дьоро киэһэ иккис чааһыгар  бастыҥнары наҕараадалааһын: ол курдук "Алаас" дьахталлар вокальнай бөлөхтөрүн ырыаһыта Маргарита Анемподистова "За вклад в развития народного художественного творчества РС (Я)", "Сыккыс" түмсүү спортинструктора Алексей Терютин "Чурапчы улууһун сценатын ветерана" түөскэ анньыллар бэлиэнэн наҕарадааланнылар. Түмсүү салайааччыларыгар "Уран" салайааччы Евдокия Мироноваҕа, "Сыккыс" салайааччы Ксения Гоголеваҕа, "Иэйии" салайааччы Екатерина Андрееваҕа, "Лыҥкынастар" салайааччы Варвара Турнинаҕа Махтал суруктар туттарылыннылар. Маны таһынан биирдиилээн активистарга "Түһүлгэ" НАДь грамоталара туттарылынна. Эҕэрдэ номердар, "Толкуй оонньуута" биэчэр үһүс чааһынан ыытылыннылар. 

 

   Быйыл улуус нэһилиэктэрин Өрөгөй ырыаларын кинигэтэ тахсар. Онно биһиги нэһилиэкпит  "Килэҥки сайда тур, туругур!" Өрөгөй ырыатын компьютернай ноталаан, кюар-код оҥорон, нэһилиэкпит Гербэтин туруоран бэлэмнээн ыыттыбыт. Кинигэ тахсан, атыылыыр буоллахтарына эрдэ биллэриэхпит. 

 

Сэтинньи 19 күнүгэр "Айылгы" оройуоннааҕы норуот айымньытын Дьиэтин үлэтин сезонун аһар улахан дьаһалга  биһиги "Саһарҕа"-ларбыт ыҥырыллан "Биһик" ырыатынан  кэнсиэргэ кыттан кэллилэр. "Айылгы" коллективыгар ыҥырыыгыт иһин махтанабыт, айымньылаах, таһаарыылаах, саҥа көрүүлээх  үлэни баҕарабыт.

 

Сэтинньи 15 күнүгэр Таатта улууһун Туора -Күөлүн норуот айымньытын Дьиэтэ "Ырыа - олох аргыһа" аһаҕас онлайн  вокальнай ансамбллар күрэстэригэр кыттан "Саһарҕа" квинтет Дипломант аатын ылла. Кыргыттарбытын ситиһиилэринэн эҕэрдэлиибит. 

 

Бу ый 26 күнүгэр, нэһилиэкпитигэр  Тыа хаһаайыстыбатын күнэ ыытыллар. Бу күн, дойду үрдүнэн буола турар акцияҕа кыттыһан, мобилизацияҕа барбыт уолаттарбытыгар, дьонноругар көмө-тирэх буолар ас атыытын ярмаркатын оскуола - сад коллектива, үөрэнээччилэрэ тэрийэллэр.  Ярмаркаҕа нэһилиэкпит олохтоохторун көхтөөхтүк кыттыаххыт диэн эрэнэбит, ыҥырабыт. 

 

ad5a4f36cd5bfbb5775e37386aa0686d.jpg

13.11.2022

Тыа хаһаайыстыбатын күнүн көрсө

“Баҕа санаам тиэргэнэ” алын сүһүөх, орто бөлөх

оҕолорго аналлаах күөн – күрэс

БАЛАҺЫАННьАТА

 

 

Буолар сирэ: Кытаанахтааҕы “Түһүлгэ” НАДь

 

Буолар күнэ: Сэтинньи 26 күнэ, киэһэ 19ч00м

 

Ирдэниллэр:

-        Оҕо бэйэтин эбэтэр баҕа санаатын тиэргэнин  объемнай гына оҥорон кыттар.

-        Материала көҥүл (пластилин, тиэстэ, кумааҕы, мас, таҥас, баайыы сап, лего уо.д.а.)

-        Өҥнөөх буолара олус биһирэнэр.

-        Темата: тыа хаһаайыстыбатыгар ананар (оҕуруот, араас дьиэ - кыыллара, көтөрдөр)

-        Кээмэйэ А3

-        Кыттааччы аатын, кылааһын суруйар

-        Үлэлэри сэтинньи 25 күнүгэр диэри “Түһүлгэ” НАДь тутабыт

 

Наҕараадалааһын:

 

- Кыайыылаахтар, нэһилиэк Тыатын хаһаайыстыбатын күнүгэр аналлаах дьоро киэһэҕэ, дипломунан, анал ааттарынан наҕараадаланаллар.

 

 

Көхтөөхтүк кыттыҥ, кыайыҥ, бэйэҕит тиэргэҥҥитин билиһиннэриҥ!

IMG-20221111-WA0038.jpg

10.11.2022

10 ноября в районном Доме народного творчества "Айылгы" проводился семинар работников культуры улуса на тему "Гранты в области культуры и искусства". Организаторы семинара: управления культуры улуса и координационный Совет по проектной деятельности   Были приглашены в качестве  экспертов Куприянов Дмитрий Михайлович- специалист отдела по взаимодействию с институтами гражданского общества министерства по делам молодежи и социальным коммуникациям РС (Я), Охлопков Геннадий Иванович заместитель директора АУ РС (Я) "Саха академический театр им П.А.Ойунского".На открытие семинара начальник управления культуры Чурапчинского улуса  Петр Егорович Гуляев приветствовал участников и пожелал творческих идей. На первой части семинара эксперты выступили с докладами о новых возможностях  по работе над проектами, ознакомили о  грантах в области культуры и искусства, о создании некоммерческих организациях. А вторая часть семинара  была практической. Вопрос-ответ.  Участники  получали подробные ответы на свои вопросы. На днях при управлении культуры создан координационный совет по проектной деятельности председателем Совета является Дьяконов Спартак Анатольевич - специалист по ОТ и ПБ, заместитель председателя - Никонова Сахая Романовна- научный сотрудник Чурапчинского музея истории и этнографии им А.А.Саввина, члены Совета Павлова Диана Александровна - заведующая Болтогинского филиала №5 МКУК "Чурапчинская МЦБС", Дьячковская Елена Дмитриевна - заведующая отделом по жанрам народного творчества АУ РДНТ "Айылгы", Борисова Мария Егоровна- специалист методотдела, Дьячковская Сардана Александровна-библиотекарь нестационарного обслуживания МКУК "Чурапчинская МЦБС"

 

 

IMG-20221109-WA0143.jpg

9.11.2022

Кытаанахтааҕы "Түһүлгэ" норуот айымньытын Дьиэтин иһинэн үлэлиир "Сыккыс" доруобуйаларынан хааччахтаах дьон түмсүүтэ, быйыл үгэскэ кубулуйбут муҥхаларын тэрийдилэр. Нэһилиэкпит баһылыга Егор Николаевич "Сыккыстарга" Аччыгый Эбэни  муҥхалыылларыгар анаабыта, онон кинилэр хаһыс да сылларын муҥхалыыллар. Быйылгы муҥха буоларын курдук, аал уоту аһатан, Күөх Боллоххо сүгүрүйүүттэн саҕаланна. Муҥхалаах Петр Федотович Максимов, Петр Дмитриевич Барашков, Алексей Николаевич Терютин, Николай Дмитриевич Барашков салайыыларынан бэрткэ табыллан, күн да олус үчүгэйдик туран биэрэн, бэртээхэй сырыы буолла. "Сыккыстарга" Баай Байанай  мичик гынан, көмүс хатырыктааҕыттан куду анньан биэрдэ. Сыккыстар дьиэҕэ олорор биир түмсүүлээхтэригэр үстүү биэдэрэни, маны таһынан байыаннай операцияҕа сылдьар уолаттарбыт дьонноругар биирдии куул балыгы, итиэннэ быйылгы муҥхаҕа кыайан сылдьыбатах, эбэтэр сылдьан баран мэлийбит далбардарга, бары биир киһи курдук сүбэлэһэн, нэһилиэк дьонугар аҕалан күндүлээн, бар дьон үөрбүт харахтарын көрөн, махтал тылларын истэн үөрүүлэрэ үс төгүл үрдээтэ. Бу күн, түгэнинэн туһанан, Алексей Николаевич Терютин төрөөбүт күнүнэн эҕэрдэлээн бэлэхтэрин туттардылар.

Сыккыстар, нэһилиэк баһылыгар, күөл анаабыт уонна транспорынан хааччыйбыт, Егор Николаевичка, салайааччыларыгар Ксения Николаевнаҕа, түмсүү тутаах киһитигэр  Алексей Николаевичка, муҥхалаах Петр Федотовичка, сылын ахсын өйүүр Петр Дмитриевичка барҕа махталларын тиэрдэллэр. Онтон нэһилиэк дьоно- сэргэтэ сыккыстарга чэгиэн доруобуйаны, этэҥҥэ буолууну баҕаран, үөрүү кынаттанан сип-сибиэһэй балыгы тута күөстүү охсорго түһүннүлэр. 

Сыккыстарга - сырдык дьоҥҥо түмсүүнү, кытаанах доруобуйаны, эйэлээх халлааны баҕарабыт. 

20221104_144803.jpg

5.11.2022

Сэтинньи 4 кунугэр, биьиги нэьилиэкпитигэр Кытаанахха, улуустаа5ы хайыьар курэхтэьиитэ буолла. Бу курэхтэьии 2022-2023 хайыьар сезонун аьар сыаллаах ыытылынна. Чурапчыбыт улууьуттан Чакыртан, Хайахсыттан, Мурун Тыымпыйаттан, Чурапчыттан, Кытаанахтан, Мында5аайыттан, маны таьынан Мэнэ-Ханалас Тиэлигититтэн, Павловскайыттан, Амма Алтаныттан барыта 53 о5о, 26 ветеран хайыьардьыттар суурэр трасса5а та5ыстылар. 

Хайыьар сезонун  уеруулээх аьыллыытыгар кыттыыны ыллылар:

Чурапчы улууьун физическэй культура5а уонна спортка салаатын салайааччыта Дьулустан Васильевич Егоров, кини солбуйааччыта Альберт Петрович Собакин, улуустаа5ы уерэх салаатын о5ону иитиигэ уонна эбии уерэхтээьин салаатын кылаабынай специалиьа Евгений Николаевич Давыдов.Кинилэр хайыьардьыттары э5эрдэлээн, кыайыыны ба5ардылар. Нэьилиэк баьылыга  Егор Николаевич Потапов кэлбит спотсменнарга махтанна уонна нэьилиэкпит бастын спортсменыгар, тренеринэн урдук таьаарыылаахтык улэлээбит, быйыл куьун 65 сааьын томточчу туолбут Алексей Николаевич Терютинна "Кытаанах нэьилиэгин Бочуоттаах олохтоо5о" удостоверениены, туескэ анньыллар бэлиэни туттарда. Тугэнинэн туьанан Алексей Николаевиьы "Туьулгэ" норуот айымньытын Дьиэтин коллективын аатыттан э5эрдэлиибит. 

Алексей Николаевич курэхтэьии кылаабынай судьуйата буолан кэлбит спортсменнарга курэхтэьии балаьыанньатын, старт билиьиннэрдэ. 

Бу кун Россия норуоттарын  Сомо5олоьуутун кунэ. Онон хайыьар - барыбытын сомо5олоон, элбэх киьини тумтэ. Хайыьары таьынан чел оло5у пропагандалыыр хаалыктаах хаамыы тэрилиннэ. Манна нэьилиэкпитигэр хас сарсыарда аайы хаалыктаах хаамар Сусанна Лазарева, Зоя Захарова, ону таьынан эдэр ийэлэр, тэрилтэ улэьиттэрэ, пенсионердар кехтеехтук кытыннылар. 

Хайыьар суолугар бастакынан начальнай кылаас кыргыттара, уолаттара стартаатылар, онтон 5-8 кылаас о5олоро, 9-11 кылаастар, 18 уеьэ саастаах дьахталлар, эр дьоннор дистанциянан  арахсан суурдулэр. Курэхтэьиини Саха республикатын атах оонньууларыгар спордун маастара Дмитрий Николаевич Макаров, буоларын курдук, астыктык комментарийдаан ыытта. 

Тумуккэ кыайыылаахтар мэтээлинэн, бириистэринэн, анал бириистэринэн на5араадаланнылар. Ол курдук хаалыктаах хаамыыга саамай а5а саастаах Чурапчыттан Сивцев Анатолий, Кытаанахтан бастын ветеран спортсменка Парасковья Новгородова , Матвей Лыткин анал бирииьинэн Хаалыгынан на5араадаланна. Хайахсыттан кэлбит Николай Оконешниковка, Кытаанах нэьилиэгин  олохтоо5о Алексей Николаевич Пономарев биир куул собо анал бирииьин анаата. Хайахсыттан кэлбит хайыьардьыттар хамаандаларыгар, баьылык Тарас Лукич Тарасов, чел оло5у, спорду пропагандалыыр спортсменнарыгар, хас биирдиилэригэр анал бирииьин ыыппытын туттулар. 

Биьиги нэьилиэктэн о5олорбут, ветераннарбыт суурдулэр. Курэхтэьии арыйыытынан Афанасий Захаров буолла диэтэхпитинэ наьаа сыыспаппыт буолуо. Ол курдук Афанасий Васильевиьы дьон-сэргэ  Советскай Союз кенул тустууга спордун маастарынан, элбэх Союзтаа5ы тустууга курэхтэьиилэр чемпионнарынан, призердарынан  билэр буоллахтарына, кини былырыыннаттан анаан дьарыктанан, быйыл 70 сааьын керсе, хайыьар курэхтэьиитигэр аан бастаан кыттыбытын куускэ бэлиэтээн этэбит. Афанасий Васильевич бу сурэхтэниитинэн итиитик - истинник э5эрдэлиибит, курэхтэьиигэ кини сиэнэ Ванесса Борисова эмиэ аан бастаан кытынна. Биьиги нэьилиэк кынаттаах хайыьардьыттара Зинаида Семеновна Андреева, Иван Петрович Игнатьев бэйэлэрин дистанцияларыгар эрэллээхтик бастаан, уунэр келуенэ ыччакка учугэй холобуру кердердулэр. Нэьилиэкпит баьылыга Егор Николаевич Потапов, улуус мунньа5ын депутата Дмитрий Иванович Попов курэхтэьиигэ кыттан, нэьилиэнньэ5э учугэй холобуру кердердулэр. Курэхтэьээччилэргэ минньигэс астары астаан а5албыт нэьилиэкпит олохтоохторугар Николай Максимовка, Анна Лыткина5а, Саина Иванова5а, Валентина Дьяконова5а, Анисия Дьяконова5а дирин махталбытын тиэрдэбит.

Курэхтэьии Сомо5олоьуу оьуохайынан тумуктэннэ. Старт бэрилиннэ. Мантан кыьын кынаттаах хайыьардьыттарбытыгар ситиьиилээх улэни, куустээх санааны, эдэрдии эрчими,онтон  ыччат дьоммутугар ылыммыт санаа5ытын ыьыктыбакка иннигит диэки эрэллээхтик керергутугэр ба5арабыт!

-5397847170729755664_121.jpg

1.11.2022

Тапталлаах дойдубутугар  Сэбилэниилээх куустэри ейуур араас хабааннаах дьаьаллар, тэрээьиннэр ыытылла тураллар. Биьиги нэьилиэкпитигэр, алтынньы 28 кунугэр, тыа сирин модельнай библиотеката, орто оскуола коллектива, норуот айымньытын Дьиэтэ "Ийэ алгыьа" диэн дьуьуйууну туруорда. Дьуьуйуу А5а дойду сэриитигэр 5 уолун сутэрбит Феврония Малгина5а ананна. Сценарийы библиотекарь Лена Александровна суруйда, туруоруутун саха тылын уонна литературатын  учуутала Ольга Романовна, орто оскуола эдэр ыччатын коллектива оонньоотулар. Ол курдук эдэр ийэ оруолун эдэр кэскиллээх учуутал Варвара Турнина оонньоото, уолаттарын сэриигэ атаарар Февронияны - Ксения Гоголева олус итэ5этиилээхтик оонньоон кердерде. Уолаттар оруолларын Виссарион Трофимов, Марк Суздалов, Петр Акимов, Петр Бабиченко, Василий Лазарев холонон оонньоотулар. Дьуьуйуу "Ийэ5э сугуруйуу" диэн ырыанан тумуктэннэ. Ырыаны олохтоох дьаьалта землеустроителэ Степан Прохоров олус долгутуулаахтык толордо. 

О5олорбут - кэлэр кэнчээри ыччаттарбыт эйэлээх, дьоллоох  олоххо олороллоругар бары ейбутун - санаабытын ууран, кинилэр тереебут дойдуларыгар бэриниилээх, мунура суох таптыыр буолалларыгар иитэн таьаарар биьиги эбээьинэспит. Онон бары биир сомо5о буолан улэлиэ5ин, айыа5ын- тутуо5ун!

 

Олоҥхо.jpg

31.10.2022

Сэтинньи ый 22 күнүттэн өрөспүүбүлүкэбитигэр Олонхо декадата саҕаланар. Биһиги нэһилиэкпит олохтооҕо, 2018 сыллаахха Ил Дархан Гранынан наҕараадаламмыт, республика олоҥхоһуттарын ассоциациятын чилиэнэ, Олоҥхо ыһыахтарыгар Чурапчы улууһун олоҥхоҕо, тойукка, чабырҕахха, норуот ырыатыгар үгүс сылларга көмүскээбит, олоҥхону толорооччу Сусанна Васильевна Лазарева , бу сыл сэтинньигэ 70 сааһын туолар үбүлүөйүгэр анаан, нэһилиэкпит дьонугар, биир дойдулаахтарбытыгар "Олоҥхо киэһэтин"  тэрийэбит. 

Олоҥхо киэһэтэ хас бээтинскэ аайы биһиги сайтпытыгар ыытыллыаҕа. Сусанна Васильевна, Николай Михайлович Тарасов  "Дуулаҕа Баатыр" олоҥхотун толоруоҕа. 

Убаастабыллаах нэһилиэкпит олохтоохторо, биир дойдулаахтарбыт!

Олоҥхону болҕомтолоохтук истэргитигэр көрдөһөбүт. Түмүккэ бу олоҥхонон биирдиилээн бастааһыҥҥа күөн- күрэс тэриллэр. "Дуулаҕа Баатыр" олоҥхонон ыйытыктар бэриллиэхтэрэ, онно ким сөпкө хоруйдаабыт, Сусанна Васильевна аймахтарыттан, оҕолоруттан  бириистэри тутуохтара.  

Олоҥхобут бастакы чааһа, алтынньы 3 күнүгэр "Аҕам саастаах дьоммутугар ананар" диэн ааттанан  сайтка тахсыбыта, ону көрүҥ, болҕомтолоохтук истиҥ.

Иккис чааһа бу бээтинсэҕэ, о.э. сэтинньи 4 күнүгэр, киэһэ 19ч00м тахсыаҕа. 

Бар дьоммут, саха омук үйэлэртэн илдьэ кэлбит эпоһын Олоҥхону сэргээҥ, күөн - күрэскэ кыттарга бэлэмэниҥ!


Карта сайта
Продолжая использовать данный сайт, Вы даете согласие на обработку своих персональных данных.