Бүгүн, алтынньы 20 күнэ Повар күнэ. Бу кэрэ бэлиэ күнүнэн биһиги нэһилиэкпит повар идэлээх дьоннорун, Далан аатынан орто оскуолабыт  уонна "Ньургуйаана" уһуйаан повардарын Пономарева Елизавета Владимировнаны, Скрябина Ольга Павловнаны, Новгородова Елена Васильевнаны, Максимов Николай  Петровиһы ис сүрэхтэн эҕэрдэлиибит!

Үгүс үүнэр көлүөнэ ыччаппыт, кырачааннарбыт эһиги астаабыт минньигэс, тотоойу бүлүүдэлэргитин аһаан, эт-хаан, өй-санаа өртүнэн чэгиэн-чэбдик сылдьалларыгар кырата суох кылааттааххыт. 

Бүгүн биһиэхэ, повар идэлээх Николай Максимов   "Алаас" профилакторийга  үлэлиир кэмнэригэр түбэспит мүччүргэннээх сырыытын кэпсээтэ

Ол курдук Николай "Алааска" үлэлиир бастакы сылларыгар кинини саха диэн көрбөттөр эбит. Онно эмтэнэ сылдьааччылар араас сиртэн кырдьаҕас дьон кэлэллэр, нууччалыы билбэт буоллахтара дии, повардары кытта кэпсэтэ сатыыллар уонна туох диэбиттэрин өйдөөбөккө, повардар Коляны  переводтатаары ыҥырдахтарына, эмтэнээччилэр "Сатана, ыҥырбыт да киһилэрэ баар ээ, саха буолбатах уонна хайдах быһаарыай", онтон Коля сахалыы саҥардаҕына аны өмүрэн "Сирэҕэс уола сахалыы саҥарар эбит дуу" дииллэр үһү.

Повардарбыт сөбүлээн астыыр фирменнэй бүлүүдэлэрин  рецептарын бар дьонноругар бырааһынньыгынан бэлэх ууналлар

Елена Новгородова: Торт

6 cымыыт, 1 стакан саахар, 1 стакан бурдук. Крем - 1 сгущеннай үүт, 300гр ынах арыыта.

Николай Максимов: Фаршированнай балык

Чир балык таһын ыраастыыбыт, хатырыгын сууйан-сотон иһин ороон баран, тириитин алдьаппакка этин хостуубут. Уҥуохтарын арааран ылабыт. Икки быһыы килиэби үүккэ илитэн, балыгы кытта тэҥҥэ мясорубкаҕа эриттэрэбит. 1 сымыыт, туус тума бэйэн билэргинэн уонна лимон согун бэйэн сөбүлүүргүнэн кутаҕын. Барытын булкуйан баран, балык иһигэр угабыт, духовкаҕа буһарабыт. 

 Минньигэстик аһаан!

Россия аҕаларын күнүгэр анаан "Түһүлгэ" НАДь иһинэн үлэлиир, республикаҕа бастыҥ үлэлээх "Сыккыс" доруобуйаларынан хааччахтаах дьон түмсүүтэ  тэҥнэбиллээх оонньуу ыытар. 

Оонньуу алтынньы 23 күнүгэр, о.э. субуота5а киэһэ 19ч30м @kytanaxklab инстаграм сирэйигэр быһа биэриинэн ыытыллар. Сүрүн бириис циркуляр (пила) . Билиэттэри Ксения Николаевнаттан 89627354643 ыйытын. 

СӨ бэрэсидьиэнин 1993 сыл балаҕан ыйын 2 күнүнээҕи ыйааҕынан СӨ Ийэлэрин күнүн көрсө 

"Үс көлүөнэ үйэлээх ситимэ" ааҕыыга уонна хаартыскаҕа түһүүгэөрөспүүбүлүкэтээҕи кэтэхтэн аһаҕас күрэх ыытылла турар. Тэрийээччилэр: Чурапчы улууһун Кытаанах орто оскуолатын уонна нэһилиэк модельнай библиотекалара. Сарсыҥҥынан о.э. алтынньы 20 күнүнэн үлэлэри тутуу  болдьоҕо бүтэр. Ким кыттыан баҕалаах 89627377003 тел билсин. 

Бүгүн, о.э. алтынньы 19 күнүгэр Чурапчы улууһун норуот айымньыларын Дьиэлэрин уус уран салайааччыларын семинара буолла. 

Көрүллэр боппуруостарынан Айыллаан "Киносинтез" бырайыага, кэлэр сыллааҕы улуус мероприятиялара, дьаһаллара, былааннара, улуустааҕы уус уран салайааччылар Сэбиэттэрин састаабын көрүү.

Семинарга улууспут уус уран салайааччылара түмсэн санаа атастаһан, культурабыт салаатын салайааччыларын кытта көрсүһэн, саҥа үлэлии кэлбит специалистары кытта билсиһэн элбэх идеялары, сүбэлэри атастаһан астынан тарҕастылар.

Саха АССР тэриллибитэ 100 сылыгар аналлаах "Иһирэх тылынан кэпсиэҕиҥ ийэни" улуустааҕы литературнай-музыкальнай дьүһүйүүгэ биһиги нэһилиэктэн Анна Гаврильевна Пономарева, Анисья Филипповна Барашкова оҕолоро ийэлэрин тустарынан кэпсээнинэн кыттан, дьүүллүүр Сүбэ быһаарыытынан

Анисья Филипповна Барашкова - Лауреат

Анна Гаврильевна Пономарева - Бастакы миэстэ ылары ситистилэр.

Куонкуруска кыттыбыт дьоммутун эҕэрдэлиибит. Сарсыҥҥыгыт саргылардаах, дьиэ - кэргэҥҥит толору дьоллоох буоллун!

Ко дню Девочек, учащиеся начальных классов Кытанахской средней школы им В.С.Яковлева - Далана, участвовали на конкурсе "Маленькая мамина большая помощница". Организатор конкурса МБУ ДНТ "Түһүлгэ" 

Девочки с большим азартом испекли и готовили вкусненьких блюд. По итогам конкурса члены  компетентного жюри присуждали номинации:

"Маленькая хозяюшка"  - Ева Бабиченко

"Хозяюшка искуссница" -Амелия Терютина

"Классные блинчики" -Сахая Потапова

"Веселые сердечки"- Уйгулаана Суздалова

Победителем стала обладатель номинации "Маленькая шеф повар" Эльвира Борисова

Поздравляем победителей.Будьте всегда позитивными, веселыми, бодрыми. 

Кыыс омук анала. Ол курдук биһиги нэһилиэк кыргыттара туора-туспа сиргэ баран алаһа дьиэ Далбар Хотуттара, истиҥ кэргэн, иһирэх ийэ буолан олорон "Кыыс анала- Ийэ дьоло" бырайыакпытыгар кыттарга сөбүлэҥнэрин биэрдилэр.

Кинилэр кимнээҕин билиэххин баҕараҕын?

Көрөөрүҥ! Ыалдьаарыҥ! Сэҥээриҥ!

Күн Ийэ-кэрэни кэрэхсиир

Уһуну толкуйдуур, олоххо тардыһар буолан,

Сир үрдүгэр үтүө санаа үксүүр

Эйэлээх халлаан күнэ күлэр

Ыччат дьон кэскилэ кэҥиир

Дьон аймах олоҕо тупсар.

Күндү нэһилиэкпит күн күбэй Ийэлэрин кэлэн иһэр Ийэ күнүнэн эҕэрдэлиибит. Бу кэрэ-бэлиэ күнү, өрөспүүбүлүкэбит бастакы Президенэ Михаил Ефимович Николаев, тыйыс айылҕалаах Сахабыт сирин Ийэлэригэр сүгүрүйэн, ытыктаан, алтынньы үһүс өрөбүлүн Ийэ күнүнэн биллэрбитэ. 

Биһиги  Ийэлэрбит, Кытаанах нэһилиэгин киэн туттуулара. Кинилэр нэһилиэк туох баар общественнай олоҕор көхтөөхтүк кыттан, олоҕу хамсатар сүдү күүстэр. 

Күндү Ийэлэр, чэгиэн-чэбдик сылдьыҥ, үөрүүнэн күн аайы саҥа сарсыарданы көрсүҥ, киирэр күнү сарсыҥҥыга эрэллээх атаарыҥ!

Ытыктабыллаах тыа хаһаайыстыбатын уонна астыыр -үөллүүр салаа үлэһиттэрэ! Тыа хаһаайыстыбатыгар быһаччы үлэлии-хамсыы сылдьар нэһилиэкпит туруу үлэһит дьоно!

Эһигини, идэлээх күҥҥүтүнэн- дойду үрдүнэн бэлиэтэнэр бу кэрэ-бэлиэ даатанан итиитик-истиҥник эҕэрдэлиибин! Бу тыа сиригэр олорор, сүөһү иитиитигэр, сиртэн үүнээйини ылыыга, тыа хаһаайыстыбатын бородууксуйатын оҥорон таһаарыыга ыарахаттартан толлубакка сыралаһан үлэлиир дьону түмэр, сомоҕолуур бэлиэ бырааһынньык. 

Эһиги, сылаас илиигитинэн тутан-хабан астаан таһаарбыт экологическай өттүнэн ыраас, түүннэри - күннэри аахсыбакка сыһыы - толоон устун сылдьар сыспай сиэллээх дьөһөгөй оҕотун, үрүҥ илгэни үрүлүтэр ураа муостаах ынах- сүөһүбүтүн  көрөн-истэн байытан, тимир көлө уруулун кыһыннары - сайыннары эрэллээхтик тутан үлэлииргитигэр дириҥник махтанабын! Быйылгы  кураан   сайыҥҥа күөх быйаҥы үлүмнэһэ оттоон, кыстыгы этэҥҥэ туоруурга эрэл баар.

Баҕарабыт дьиэҕитигэр-уоккутугар табыллыыны, үлэҕитигэр үрдүк ситиһиилэри, чэгиэн туругу, дьолу-соргуну!

Ытыктабылы  кытта "Кытаанах нэһилиэгэ" МТ олохтоох дьаһалтатын баһылыга Егор Потапов

Ааспыты күлэ-үөрэ ахтыаҕыҥ. (Фермаҕа буолбут көрдөөх түгэннэртэн...)

Иһит хомуйуута.

Оччотооҕу Сэбиэскэй оҕолор "Оскуола - Производство-Үрдүк үөрэх" диэн девиһинэн оскуоланы бүтэрдибит да совхозка үлэлии тахсарбыт. Биһиги 1983 сыллаахха оскуоланы бүтэрбит 14 выпусктар Илин Намаҕа кыргыттар дайааркалыы, уолаттар ким тыраахтарга, ким субан сүөһү көрүүтүгэр үлэлии таҕыстыбыт.

Онно ферма үлэһиттэрин итии аһынан хааччыйан поварынан Борисова Христина Ивановна үлэлиир. Биирдэ кини ыалдьан кэлбэтэ, онуоха аһаан баран иһити кыргыттар хомуйаҕыт диэтилэр, ону биһиги бары аһыыбыт батта, тоҕо биһиги эрэ хомуйуохтаахпытый диэн мөккүстүбүт, оччолорго армияттан уолаттар кэлэн фермаҕа үлэлииллэрэ уонна ким  саҥарбыт ол хомуйар диэн быһаарсыы буолла. Дьэ саҥата суох олорон аһаатыбыт. Ким да саҥарбат. Кырдьаҕастарбыт Борисов Григорий Трофимович, Кириллин Михаил Николаевич мүчүк гынан күлэллэр. 

Ол олордохпутуна арай массыына бөҕө кэллэ. Газиктар. подсобка аана аһылынна да зоотехникпыт Екатерина Прокопьевна, совхозпут директора Иннокентий Николаевич Аммосов уо.д.а. тойон, хотун бөҕө киирдилэр. Екатерина Прокопьевна үөрбүт аҕай Дорооболоруҥ диэбитинэн остолобуойга көтө түстэ, ким да саҥарбат. Аны тойотторбут киирдилэр, дорооболостулар, ким да саҥарбат.  Прокопьевна наһаа ыксаата кыбыһынна аҕай быһылаах, хайа бу оҕолор тоҕо дорооболоспоккут, саҥарбаккыт диэн ыйытар, ким да саҥарбат. Бары соһуйдулар аҕай. Онтон кырдьаҕастарбыт кэпсээн биэрдилэр, ким саҥарбыт иһит хомуйар диэн, дьэ ону истэн баран Иннокентий Николаевич үөрдэ аҕай уонна биирдии -биирдии кэлэн биһигиттэн ыйытар хас ынахтааххыный, туох ыарахаттары көрсөҕүн, күҥҥэ хас киилэни ыыгын дии- дии ыйыт да ыйыт. Биһи нэһиилэ тулуйан олоробут, онтон ыксаан  бэтэринээрдэр хосторугар таҕыстыбыт, онно  сибигинэһэн кэпсэтэ олордохпутуна уолаттарбыт уоран кэлэн иһиллээн тутуллан хааллыбыт, инньэ гынан иһиппитин хомуйдахпыт дии.

Уолум ханна барда?

Арай биирдэ Илин Намаҕа учуотчутунан Афанасий Захаров үлэлии кэллэ. Мин ынахтарбын ыан үүппүн туттара киирдим. Арай учуотчутум тугу эрэ көрдүүр: "били уолум ханна барда, манна сытар этэ ээ" диэн ону-маны көрүөлүүр. мин наһаа дьиктиргээтим, ханнык уол кэлэн сытар буоллаҕай диэн. Онтон киһим:"Ээ бу сытар эбит",- диэн сиртэн үүт сиидэлиир маарыллатын булан ылан үөрүү бөҕө буолла. 

Пожарнай муннук.

Биирдэ подсобнайбытыгар Пожарнай уголок оҥорбуттар. Ону көрө турдубут. Онуоха Новгородова Лиза этэр: "Ланка биэдэрэ, Люба биэдэрэ, Маша күрдьэх, миигин суруйбатахтар, көрөн баран турар эбиппин" диир.

Вода массыына

Арай  уу таһар массыына икки күн алдьанан уу баспата, ынахтарбытын олох бэстилиэнэй таммах уу хаалыар диэри биэдэрэнэн таһан уулатан баран, киэһэ массыына кэлэрин кэтэһэ олордубут. Соторо-сотору таһырдьа тахсан кэлбитэ буолаарай диэн ойбону көрөбүт. Ноев Балантыын (Илин Наммаҕа олорор) тахсар уочарата буолла, киһибит көрөн баран киирэн этэр, ок икки цистерналаах массыына ойбоҥҥо киирдэ. Мин эс хайдах оннук буолуой, икки цистерналаах массыына баар үһү да диибин. Ону кырдьык тахсан көр ээ диир. Мин тахсан  көрбүтүм, Балантыын ийэтэ Кэтириис эмээхсин икки өртүгэр биэдэрэлээх ойбоҥҥо уу баһа киирэн эрэр эбит. 

Чэ ити курдук. Күндү доҕоттоор совхозка үлэлээбит  көрүдьүөстээх кэмнэргитин миэхэ суруйан ыытын, дьоммутун сэргэхситэн, эдэр сааспытын санаан күлэн-үөрэн ылыахпыт. (89627359918)

Өссө төгүл бырааһынньыгынан!

Кытаанах нэһилиэгэр культурнай хамсааһын отутус сыллартан саҕаламмыта. "Кыым" уонна "Автономная Якутия" (АЯ) хаһыаттар биирдии экземплярдара сурутуллар буолбута. Ол хаһыаттары "Ааҕар балаҕаҥҥа" мустан олорон ааҕыы, бэсиэдэлэһии, бэйэ санаатын атастаһыы ыытыллара. Килэҥкигэ алаас иһигэр сэрии иннинээҕи сылларга биир балаҕан (ородобуой) баара, бу балаҕаҥҥа Совет хонтуората үлэлиирэ, онон кини эмиэ Ааҕар балаҕан диэн ааттанара. Ааҕар балаҕаннар кэнники библиотекалар, почталар төрүттэринэн буолбуттара. Хаһыаты суруттарыы сылтан сыл эбиллэн испитэ. Онон почтаны бэрийэр, хаһыакка суруйар тарҕатар үлэһит баар буолбута. Кытаанахха Трофимов диэн киһи үлэлээбитэ. Сэрии иннинээҕи почтальоннартан Танда-Бахсыга почтаны таһааччынан үлэлээбит Мотрена Романовна Местникова биллэр. 1937-1938 сылларга Чурапчыттан, тимир күрдьэҕинэн икки өртүгэр ханааба хаһыллан массыына суола оҥоһуллубута. Бу үлэни колхозтар сорудах быһыытынан үллэстэн толорбуттара, онон телеграф остуолбалара туруоруллан Кытаанахха радио, телефон кэлбитэ. Радио, телефон үлэтин эмиэ Трофимов сүрүннүүрэ. (Кытаанах нэһилиэгэ кинигэттэн ылылынна.  М.С.Леонтьева, Е.П.Скрябина хомуйан оҥоруулара. )

Биһиги нэһилиэкпитигэр Килэҥкитээҕи почта отделениетыгар начальнигынан өр сылларга Захарова Анна Дмитриевна, Данилова Анастасия Ивановна үлэлээбиттэрэ. Почтальоннарынан Коркин Петр Петрович, Местникова Мотрена Павловна, Новгородова Прасковья Владимировна,  Барашкова Надежда Дмитриевна, Захарова Анна Прокопьевна, Арыылаахха Каженкин Василий Николаевич, телефонисткаларынан Окоемова Екатерина Семеновна Семенова Зоя Ксенофонтовна, Местникова Мотрена Павловна этилэр. 

Кэнники сылларга почта начальнигынан Захарова Анна Прокопьевна, билигин олус таһаарыылаахтык, өр сыллар усталарыгар Барашкова Надежда Дмитриевна үлэлиир. 

Аан дойдутааҕы почта күнэ ХНТ иһинэн 1969 сыллаахтан бэлиэтэнэр. Бу күн 1874 сыллаахтан силис тардар. Ити сыл алтынньы 9 күнүгэр аан дойду почталарын бөлөҕө (Всемирный почтовый союз) тэриллибит. Билигин бу союзка 192дойду  киирэр. Норуоттар икки ардыларынааҕы почта 6800 араас омук тылынан саҥарар.Бу күнтэн ыла аан дойду үрдүнэн сурук нэдиэлэтэ саҕаланар. (Кытаанахтааҕы тыа сирэ модельнай библиотека информацията)

Убаастабыллаах Надежда Дмитриевна!

Аан дойдутааҕы почта күнүнэн эҕэрдэлиибит. Кырата суох түбүктээх үлэҕэр ситиһиилэри баҕарабыт! Нэһилиэнньэни кытта үлэлиир почта өҥөлөрө - биһиги бу күннээҕи олохпут ирдэбилэ, маны барытын ис сүрэхтэн кыһаллан оҥороргор махтанабыт! Чэгиэн доруобуйаны, этэҥҥэ буолууну баҕарабыт!