Нэһилиэкпитигэр бэс ыйын 25 күнүгэр Үрүҥ тунах ыһыахпыт куйаар ситиминэн ыытылынна. Парфенова Варвара Алексеена- Алгыс Хотун үрдүк айыыларга сүгүрүйэн аал уоту айах тутан арыылаах алаадьынан, саламаатынан, кытыт биэ кымыһынан, үрүҥ биэ сиэлинэн күндүлээтэ. Кэрэ аҥардарга "Үйэн күрэһэ", күүстээх аҥардарга "Кытаанах Баллы оонньуулара", оҕолорго "Уран тарбах оҥоһуктара", хаһаайкаларга "Ыһыаҕым сандалыта" күрэхтэр ыытылыннылар. Кыайыылаахтара анал бэлэхтэринэн, грамоталарынан наҕараадаланнылар.