Муус устар 2 күнүгэр "Түһүлгэ" норуот айымньытын Дьиэтигэр олус кэрэ быыстапка тэрилиннэ. Ааптар Далан аатынан Кытаанах орто оскуолатын 8 кылааһын үөрэнээччитэ Күннэй Коркина. Кини быыстапкатын "Айар түгэн" диэн ааттаабыт. Оҕо диэтэххэ кини сибэккини, айылҕаны буолбакка историяҕа биллэр дьоннор, Кытаанахтан төрүттээх салайааччылар портреттарын үүт- үкчү гына уруһуйдуур эбит. Кини үлэтэ барыта кэриэтэ портреттар. 

Быыстапкаҕа оскуола директора Иван Коркин, "Түһүлгэ" НАДь директора Айталина Пономарева, Күннэйи үөрэтэр- такайар учуутала Евдокия Миронова, кылааһын салайааччыта Парасковья Монастырева, бииргэ үөрэнэр оҕолоро эҕэрдэлээтилэр. 

Биһиги оскуолабытыгар маннык кэрэни кэрэхсиир, үтүөҕэ- сырдыкка талаһар, тардыһар оҕолор үөрэнэллэриттэн киэн туттабыт. 

Күннэй күннүү сандааран

Күннээҕи олоҕу сырдата

Күлэ үөрэ сырыт!