Быйыл 2021 сылга биһиги Кытаанахтааҕы "Түһүлгэ" норуот айымньытын Дьиэтэ тэриллибитэ 65 сылын туолар. Бу 1956 сылтан аахтахха. Тоҕо бу сылтан ааҕабыт. 1956 сыллаахха кулууппут аан бастакы сэбиэдиссэйинэн Петр Данилович Лонгинов ананан үлэлии кэлбит. Кулууппут тэриллибитин туһунан улуустааҕы, республикатааҕы архыыпка материал көрдөөтүбүт да булбатыбыт, Онон Петр Данилович кэпсээнигэр уонна Үлэтин киниискэтигэр суруллубутугар олоҕуран, быйыл Кытаанахха кулууп тэриллибитэ 65 сыла диэн билинэбит.