1970 сылларга Платон Петрович Седалищев кулуупка уус-уран салайааччынан үлэлии сылдьан, Егор Егорович Дьяконов диэнбаянист киһини аҕалан үлэлэппитэ. Дьяконов  Егор Егорович 1941 сыллаахха атырдьах ыйын 14 күнүгэр төрөөбүт. Хараҕынан мөлтөхтүк көрөр эбит, наар хара ачыкылаах буолара үһү.Кини баяны олус баһылаан- көһүлээн, наһаа сатабыллаахтык үчүгэйдик оонньуура. Наһаа үөрдэҕинэ, үөрэппит ырыатын таба ыллаатахтарына "хаас" диэн саҥаран үөрбүтүн биллэрэр эбит. Христина Николаевна ахтыытыттан "Егор Егорович наһаа үчүгэйдик баяҥҥа оонньуура, ыллыы турдахпытына аһары вариациялаан оонньоотоҕуна биһиги буккуллан хаалаачыбыт" диэн күлэр. Кытаанахха кулуупка аҕыйах сыл баянистаан баран, куоракка киирэн үлэлээбит. 

Кэлин Дьокуускайга хараҕынан мөлтөхтүк көрөр оҕолор оскуола - интернаттарыгар баяниһынан, музыкальнай салайааччынан үлэлээбит. Икки оҕолооҕо биллэр, кини ахсынньы ыйга 1985 сыллаахха өлбүт.